الغاز الشعر

من طرف **KUTEL** الأربعاء أبريل 01, 2009 2:54 am

1

ابنشدك عن شايب في وسط صندوق

يعطي اعياله كل مادار راسه

لهم على الشايب مطاليب واحقوق

وبتوزيع عيشتهم يذوق التعا سه

.......................................

2

انشدك عن عذرى رقيقة حال

لها في كل الامر سريه

عذرى لجيل يعقب اجيال

بامر من الوالي رب البريه

.....................................

3

ويــــــش شايــــــب يدينـــــه في امتونه

لامسكله صيدة مايجيه الى اعياله

يسهر اليل الطويل ولاتحقق في اعيونه

وان نصاه المعتدي ياقف على احياله

........................................

----------------------------------------------------------------------------

4

ياويشرجلا مع الناس موجود

عجزوا عنه موسى وعيسى وداوود

وعجزوا عنه شيخان نجد هل الجود

وكل الاوادم مالقوله طريقه

................................................

5

يامن حكم غيابي بلاعدام

ذكاه حطم دولة مستقله

لازال تلقاه البشر بعض الايام

مات الحكيم والمتهم في محله

...........................................

6

الاياويش عذرى ماملكها بلوطى مخلوق

ولاضنيت يملكها بعد رجله ثاني

ملكها واحد له مسكنا عند البشر مرموق

وبعد موته بقت ماعاشرت افلان وافلاني

........................................

7

ياويش رجلا يمشي الليل كله

جاه الضحى من ماقفه مامشى بوع

في صوح لوح مايغادر محله

تلقى جوابه على القراطيس مطبوع

.....................................

8

انشدك عن اغلام من دون تفصيل

يلقح لقاح ماتمسه جنابه

حرام لاكن حل عقب الغرابيل

معروف في عصر النبي والصحاب

.........................................

9

يالي تحل الغز مليان لك انت

رجلا فهيم للمعاني تحلي

انشدك وش بنت تعلت على بنت

ورجالهن من فوقهن مستقلي

....................................

10

انشدك عن عذرى طويلا جعدها

ماهيب جنيه ولامن الناس

تضرب بسيف ماتشيله بيدها

سيف لمنه ورد قطع الياس

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟